October 2008
S M T W T F S
« Nov   Nov »
 1234
567891011
12131415161718
19202122232425
262728293031  

Day 9: 2008/10/31 那須

Day 9: 10/31 (Fri) 陰

仙台  那須(Nasu)

早餐:仙台-リッチモンドホテル仙台早餐
午餐:那須-那須ガーデンアウトレット
晚餐:那須-アジアに憩う寛ぎの館 合歓林(ねむりん)オリエンタル之一泊二食

住:那須-アジアに憩う寛ぎの館 合歓林(ねむりん)オリエンタル
訂房方法:經 Jalan 網上預訂

今日o既行程,同之前 plan o既好唔同,因為之前係諗住《仙台  會津若松 (Aizuwakomatu)  那須(Nasu)》o既,但係可能玩左咁多日大家有 d 攰啦,所以就 skipped 左去會津,直接落那須,會津若松、鶴ヶ城、五色沼、豬苖代湖等地就比我地放棄左啦~

由仙台去那須都要成 3 個幾鐘,我地改左行程之後,就只係去一個地方,就係新開o既那須ガーデンアウトレット(Nasu Garden Outlet)啦~即係今日淨係黎 shopping !由於出發前我已經同各家人講,冇乜機會行街 shopping o既,所以咁多日大家都冇乜買過野,即使係去大城市好似盛岡、仙台咁都冇行過街,所以最尾就安排左呢個去 outlet o既行程啦~可能係由於呢個 outlet 係新開o既關係,係 GPS 度用電話號碼係搵唔到o既!咁我地就唯有依佢指示,用那須大學去 search ,之後去到附近再睇路牌同埋之前 print 左o既地圖啦~咁當然最後都係搵到啦!到左 outlet ,我地先一齊食 lunch ,跟住就各自去行街買野啦,除左我阿媽同老豆之外,全部人都有收穫呢!

名:那須ガーデンアウトレット
址:栃木県那須塩原市(旧黒磯市)塩野崎184-7 (カーナビによっては黒磯市(旧市名)でのご案内になります)
周辺施設:宇都宮共和大学 那須キャンパス(旧那須大学)で検索お願いいたします。
營:10:00am ~ 7:00pm
電:0287-65-4999

行到 4 點幾 5 點左右,我地就出發去今晚o既酒店,事實上,我唔應該用「酒店」形容佢,因為我地今晚係住 Cottage !我地 book 左一間 8 人用o既 Cottage,分兩層o既,有 3 間和室睡房,樓下就有廳、廚房、廁所等等。而旅館本身除左有唔同 cottages 之外,仲有新館同本館(齋房),亦都有 4 個貸切風呂,24 小時開放,要用就去櫃枱預約,免費o既。今日o既晚餐係 90 分鐘o既放題,有豬、牛、蟹、沙律、蔬菜、飲品等等,全旅館所有人一齊食,由 6:00pm 開始,所以我地都預早 d ,大約 5 點幾要去到。

我地準時係 6 點前去到餐廳,野食已經全部預備好晒,最特別o既係佢有成幾十種唔同o既飲品(包括酒類)比你,等你可以自己溝野飲,咁我當然唔執輸啦,去溝左一杯自以為日本 soar 味o既飲品,點知大家試過,話勁好味喎~跟住就個個都跟我去溝啦~至於佢個放題,真係好好味,而且我係外加左 1000 yen,每人可以任食蟹腳同牛扒o既,後尾真係飽到乜都食唔落!(註:我老豆同阿媽後尾話,全程最好食就係今晚添!)

食飽之後,大家就返 cottage 收拾今日o既戰利品,之後就去浸埋全程最後一次o既溫泉,因為聽日就差唔多係旅程最後一日啦~

名稱:アジアに憩う寛ぎの館 合歓林(ねむりん)オリエンタル
址:325-0303 那須町高久乙 3375
In/Out:3:00pm / 10:00am
電:0287-78-2160

Day 8: 2008/10/30 松島、仙台

Day 8: 10/30 (Thu) 陰

乳頭溫泉  松島(Matsushima)  仙台 (Sendai)

早餐:乳頭溫泉-鶴の湯別館山の宿 之一泊二食
午餐:松島-???
晚餐:仙台-???

住:仙台-リッチモンドホテル仙台
訂房方法:經 Jalan 網上預訂

今朝我好早就起左身,因為未到食早餐o既時間,我就一個人自己走左去鶴の湯別館山の宿入面個貸切風呂啦~由我地房行 5 分鐘左右就到,佢係分開男女o既,而且係 free 的,不過就要睇你好唔好彩,如果有人用緊,咁你就冇得浸啦~咁好好彩,我去到果時冇人,今次我仲偷偷拎埋小相機,順便影左幾張相添~一早浸一浸,當堂成個人精神晒~

   

   

浸完就去左食早餐,之後我地就離開乳頭溫泉啦!我同自己講,有機會真係要再黎多次,係呢個冇電視、冇現代物品o既深山中,真係可以令人心廣神怡,可以忘卻一切世間o既煩惱~

跟住,我地就繼續南下,向宮城縣松島出發。松島係由散落係松島海岸大大小小約 250 個小島組成,亦都係「日本三大美景」(松島、宮島、天橋立)之一,黎到呢度,除左可以乘搭遊覽船出海睇各個形狀不同o既島嶼,睇海鷗之外;因為佢o既位置近海,所以各式魚生同蠔都係好美味o既~

今次車程都要成 3 個幾鐘,所以去到松島o既時候,已經係中午啦~所以就即時去搵野食啦,本來係諗住係松島センチュリーホテルお食事処「松島」食午餐,不過大家話想係普通餐廳食,所以我地停好車之後,就周圍搵野食啦。今次我地揀左係海邊o既一間小餐館,各人叫左一個定食,另外就叫左唔同醬汁o既生蠔,因為松島最出名就係生蠔,點可以唔食呢!個人覺得魚生就冇北海道咁好味,但係生蠔真係超正!

名:松島センチュリーホテル
址:宮城縣宮城郡松島町松島字仙随 8
電:022-354-4111

食完飯之後,我地就搭 2:00pm 開出o既遊覽船出海,全程約 50 分鐘,之前已在網上訂位,一人 1,400 yen,網上亦都有 Coupon 可以印出黎,咁就一人 1,260 yen ok 啦;另外,遊覽船二樓係頭等位,要另外比附加費 600 yen,係船入面買飛就得啦。係船度,有廣播介紹松島唔同o既小島,咁當然係講日文啦,不過我就同 Gary 都好攰,竟然係船上訓左個覺!至於其他人,就出左甲板餵海鷗,仲話好好玩,一包小食都唔夠餵,買左兩包呢!

 

名:松島遊覽船
址:宮城縣宮城郡松島町松島字町內 85
營:8:00am ~ 4:30pm
電:022-354-2266

大約 3pm 我地就返到碼頭,咁之後就去左參觀碼頭附近o既五大堂同埋国宝瑞巌寺。五大堂唔知係咪因為唔駛錢呢,其實真係超細,都冇乜野特別野睇;至於瑞巌寺,就要入場費 700 yen,當然就好睇好多啦~

 

 

 

名:五大堂
址:中央發賣場旁
費:Free

名:瑞巌寺(国宝)
址:宮城県宮城郡松島町松島字町内 91 番地
營:8:00am ~ 4:30pm
電:022-354-2023
傳:022-354-5145
費:700 yen

行到 4 點幾,我地就渣車返仙台啦,大約半個鐘車程啦,之後我地就到酒店 check-in,跟住係仙台站附近食晚飯 lu。

名:リッチモンドホテル仙台
址:980-0013 宮城県仙台市青葉区花京院 1-4-12
In/Out:2:00pm / 11:00am
電:022-722-0055

Day 7: 2008/10/29 角館、乳頭溫泉

Day 7: 10/29 (Wed) 陰

盛岡  角館(Kakunodate)  乳頭溫泉

早餐:盛岡-ホテル ジン
午餐:角館-???
晚餐:乳頭溫泉-鶴の湯別館山の宿 之一泊二食

住:乳頭溫泉-鶴の湯別館山の宿
訂房方法:經 田沢湖観光情報センター「フォレイク」網上預訂

今日係行程另一個好期待o既日子,因為今晚我地會去乳頭溫泉!至於點解咁期待,可能好多去過日本o既網友都知,但係我地就等陣先講,講左乳頭溫泉之前會去o既秋田o既角館先。

由盛岡去角館,大約要 1 個鐘左右,角館係秋田o既東部,佢有小京都之稱,周圍都係一 d 古色古香o既建築物,以前佢係一個武士之町,係角館站附近仲有好多保留左武士住宅風格o既地方,如:石黑家、青柳家、岩橋家、小田野家、安藤家等等,不過大部份都已經改做成旅客中心,參觀要入場費,咁入到去亦都有人解釋,仲有英文添!

我地今次就揀左去青柳家參觀,架車就停左係町營停車場,入場費係 500 yen。青柳家係 1772 年落成,佢好似扮演住角館博物館一樣,館入面有唔同o既分區:武器藏、秋田鄉土館、武家道具館、幕末寫真館等等,而且附設餐廳。

名:青柳家
址:秋田縣角館町東勝樂丁 26
電:0187-54-3257
傳:0187-53-2006

我地係青柳家入面行到大約 2pm,諗住係入面食午餐,點知我地去到果日,入面 2 間餐廳都比人包左場,冇得食!咁唯有出去周圍搵~食飽飯之後,我地係角館附近行多陣,就離開角館,經田沢湖出發到乳頭溫泉。我地首先到田沢湖 Tourist Information Centre 拎住宿 Confirmation letter ,之後就再出發到乳頭溫泉,由角館去,大約需要 1 個半鐘。

名:田沢湖観光情報センター「フォレイク」
址:秋田秋田県仙北市田沢湖生保内字男坂 68(JR 田沢湖駅構内)
電:0187-43-2111
傳:0187-43-2077
營:8:30am – 5:30pm/6:30pm

點解要去 Tourist Information Centre 呢?!睇開我個 blog 都知我一向係 Jalan 度 book 酒店,不過講到去乳頭溫泉,就冇得係 Jalan book 啦~而且果度幾間酒店,都要係直接同酒店聯絡,咁之前我係網上摷資料果時,比我搵到原來係田沢湖觀光情報中心個 web site 係可以係網上經中心職員幫手 book 的,雖然 book 完之後有封 email,不過就要係入住果日去中心度拎返張 confirmation letter 啦,會麻煩少少咁囉~但係,我 check 過橫掂都係路經,就麻煩左佢地幫手 book 啦~

之前講過,乳頭溫泉係今次旅程另一個令人期待o既地方,除左佢係幾百年來是有名的溫泉鄉,係日本人眼中o既第一秘湯,仲有另一個原因就係-佢係有「露天混浴」o既,顧名思義就係男女同浴啦~

乳頭溫泉呢度總共有 6 間溫泉旅館:鶴之湯妙乃湯蟹場孫六大釜同埋黑湯,間間都規模唔大,而且全部都係深山之中,好有味道。本來我地係想揀最古老o既鶴之湯,但係因為太受歡迎,好早就 full 左!~咁我唯有退而求其次,揀左佢o既別館「山之宿」,都一樣可以感受到佢 350 幾年o既開湯歷史。住過咁多次溫泉旅館,鶴之湯都可算係好傳統o既一間,入面o既物品都好傳統/古老,好特別~我地先到別館 check-in,放好行李,跟住就搭左酒店 shuttle bus 過去本陣,一試佢o既混浴啦~

 

    

溫泉區入面,除左露天混浴區之外,仲有幾間係男女別o既溫泉區,我地一行五人(四女一男)先各自浸男女浴,之後,就走左出去睇混浴區~其實混浴區o既泉水係奶白色o既,根本落左去浸就乜都睇唔到~而且,浸緊o既人亦都目不斜視,所以我地就好開心咁落左去浸啦~係呢個仍然得 8-10 度左右o既天氣之下,浸住溫泉,真係人生一大樂也! 

 

浸完之後,我地就返旅館食飯啦,今晚我地係食囲炉裏会席,係成組人圍住個炭爐燒野食o既,咁當然係由我主力燒啦~

 

 

名稱:鶴の湯別館山の宿 (Tsurunoyu Annex Yamanoyado)
予約番號:10-31
址:014-1204秋田県仙北市田沢湖田沢字湯ノ岱-1
In/Out:3:00pm / 10:00am
電:0187-46-2100

Day 6: 2008/10/28 小岩井農場、盛岡

Day 6: 10/28 (Tue) 微雨

奧入瀨  小岩井農場(Koiwai Farm)  盛岡 (Morioka)

早餐:奥入瀬-奥入瀬渓流ホテル之一泊三食
午餐:小岩井農場-農場餐廳
晚餐:盛岡-ぴょんぴょん舎冷麵

住:盛岡-ホテル ジン
訂房方法:經 Jalan 網上預訂

今日我地離開左青森,渣左 2 個幾鐘車落去岩手縣,今日o既主要節目係參觀小岩井農場,呢個項目,我覺得應該幾o岩我阿媽o既~

我地大約 11am 先去到,因為都比較晏,所以有 d 朝早節目已經完左,另外,有 d 活動係同其他野撞左時間,所以只可以揀一 d 我地有興趣o既野去睇啦,咁我地揀左必睇o既有有牧羊狗表演、搾牛奶、同埋參觀羊毛屋等等。因為牧羊狗表演係 1:30pm 開始,所以我地就先係農場其中一間餐廳食 lunch (因為又係落緊雨),食完先去睇表演同周圍行,我地係農場入面玩到差唔多 4:00pm 就走啦。

 

名:小岩井農場
址:020-0507 岩手県岩手郡雫石町丸谷地36-1
電:019-692-4321
傳:019-692-0303
營:9am – 5:30pm

之後,我地去左盛岡手づくり村參觀,佢好近農場,大約 10mins 車就到。呢個手造村係介紹盛岡傳統手工藝:和菓子、冷麵、木工、銅器等等,除左有得賣之外,仲可以參加體驗教室,我地咁晏先去到,當然係冇參加啦~係度行到佢閂門,我地就返盛岡市食飯啦。

名:盛岡手づくり村
址:盛岡市繋字尾入野 64-119
電:019-691-7611
營:8:40am – 5:00pm

離開手造村之後,我地就起程返盛岡市啦,我地先到ホテル ジン check-in,settle down 之後就行去盛岡駅前店食飯。

名稱:ホテル ジン
址:〒020-0045 岩手県盛岡市盛岡駅西通 1-6-15
In/Out:3:00pm / 10:00am
電:019-622-1115

黎到盛岡,有幾樣特色食品,好似炸醬麵、冷麵,咁我地今晚就揀左係ぴょんぴょん舎度食,佢其實唔係剩得冷麵o既,佢仲有其他料理,我地就叫左冷麵、飯、燒烤等等,一齊 share 食~

 

名:ぴょんぴょん舎
址:盛岡市盛岡駅前通 9-3
電:019-606-1067
營:11:00am – 12:00 mid-night (Last order: 11:00pm)

註:如果想食炸醬麵,或者會去岩手公園o既,可以試係係公園附近的白龍。

名:白龍
址:岩手縣盛岡市內丸 5-15
電:019-624-2247
營:9:00am – 3:00pm (本店 11:30am – 9:00pm)

Day 5: 2008/10/27 奧入瀨、十和田湖

Day 5: 10/27 (Mon) 陰、雨

八戶  奧入瀨 (Oirase)

早餐:奥入瀬-奥入瀬渓流ホテル之一泊二食
午餐:奥入瀬-奥入瀬渓流ホテル之一泊三食
晚餐:奥入瀬-奥入瀬渓流ホテル之一泊三食

住:奧入瀨-奥入瀬渓流ホテル
訂房方法:經 Jalan 網上預訂

今朝好早係酒店食左早餐,約好大家係 9:30am 就要 ready 出發。另外,今日我 book 左一個「一泊三食」o既方案,等散步o既旅客可以係奧入瀨步道附近食午餐,之後再繼續行,因為係果度係冇野食賣o家,除非係自己帶野食啦~

不過,當食完早餐,大家都準備好果時已經差唔多 10:00am 啦。跟住同酒店約好左幾點、邊度食 lunch (有幾個時間、地方比我地揀),我地就即刻出發啦~

我地先渣車到十和田湖,係果度泊好左車,差唔多 10:30am 啦,跟住就由「子ノ口」開始行,由上游行返落下游。

 

途中經過銚子大滝、阿修羅の流れ等等,行返去石ヶ戶。可能真係因為星期一啦,遊人比之前果日少左好多,好彩溪邊小路比較平,沿路有人畫畫,咁我地一路行一路影相,行到食 lunch o既地點,都行左成 2 個幾鐘啦。

  

  

  

 

我地就早左到,本來諗住打電話比酒店,等佢地早少少黎,點知係收唔到電話o家!咁唯有係附近 hea 下,等食飯啦~其實我揀呢個一泊三食,都諗左好耐,究竟個 lunch 會係食乜?!同埋點食?!只見周圍都冇枱椅,唔通要坐地下?!

等左陣,就見到有架酒店貨車仔黎,司機係車上面拎左 2 套摺枱椅出黎 set 枱,呢個時候我地仲諗緊係咪我地呢?但係又唔太肯定喎,就搵左 Gary 去問啦,原來真係我地喎~實在太好啦,係咁荒蕪o既地方,仲有熱o既西餐食,有餐包、前菜(沙律)、主菜(牛肉)、飲品(咖啡或茶)~真係恨死隔離啦~好多經過o既遊客都停落黎望我地~

食飽飽之後,酒店職員就執野走左~本來計劃係要行返去酒店,但係大家都好攰啦喎,又唔係好想行。咁我地就研究搭巴士返上去拎車,定係行返上去拎車啦,但係我地一行六個人,如果全部搭巴士,又唔抵喎,(因為都幾貴),最後就決定一半人打的上去拎車,另一半人係度等。

咁拎完車,我地就返去酒店啦~之後,係酒店附近行左陣,影左 d 相,就返酒店浸個溫泉,就食飯 lu。

 

 

 

Day 4: 2008/10/26 奧入瀨

Day 4: 10/26 (Sun) 雨

八戶  奧入瀨 (Oirase)

早餐:八戶-酒店包
午餐:奧入瀨-??
晚餐:奧入瀨-奥入瀬渓流ホテル之一泊二食

住:奧入瀨-奥入瀬渓流ホテル
訂房方法:經 Jalan 網上預訂

尋日天氣已經係麻麻地,不停落住毛毛雨。今日一起身,就見到落勁好大雨,心情都真係同個天氣一樣麻麻地。

朝早係酒店食左早餐之後,我地就跟行程一樣,出發去今個旅程最令人期待o既奧入瀨啦。奧入瀨位於青森縣,係一個出名o既追楓勝地,日本好多以風景為主o既月曆都係以佢個溪流、紅葉做背景,而好多拍友都係度影過好多非常靚o既紅葉相。奧入瀨溪流係由十和田湖開始流,全程大約係 14km,沿途有大大小小o既瀑布,如果要慢慢行,大約要 5 個鐘左右啦。

  

最近奧入瀨溪流o既酒店係奥入瀬渓流ホテル,佢亦都係唯一一間係座落係奧入瀨溪流o酒店(其他酒店係十和田湖附近),我地今次會係度住 2 晚,慢慢欣賞佢o既景色,而且亦都會去溪流散步。

本來今日食完早餐係計劃去十和田湖,夜晚先去奧入瀨,但係到左湖果度,仍然都係咁大雨,仲比較凍,所以大家都唔想落車行。咁我地就改左,先到奧入瀨入口o既溪流館同湧水館參觀。溪流館展示左各類同奧入瀨有關o的自然資料同埋生態環境資訊,入面有一個電影廳播放奧入瀨溪流的四季美景。而湧水館就係一間以奧入瀨清泉水為主題的展館,樓高兩層,館內可觀看奧入瀨清泉水的製作工程。不過 2 個館都冇乜特別野睇,我地都係逗留左陣,係入面食左個雪糕就走左啦。

名:溪流館、湧水館
址:青森縣十和田市大字奧瀨字枥久保 183
電:017-674-1233
營:9:00am – 4:30pm
費:Free

之後,因為仲係落緊雨,大家就決定早 d 到酒店,而去酒店之前,我就話不如渣車去奧入瀨溪流度望下,睇下第二日架車可以泊係邊,點知,一程短短約 20 分鐘o既車程,係塞車之下,來回用左成個幾鐘~可能係因為星期日o既關係,雖然落緊雨,只見成個溪流區,人多車多,真係想泊車都冇位,好彩係 plan 左星期一先落黎行咋!另外,係車上離遠望落去,因為已經落左幾日雨,雖然都見係紅,但係有好多紅葉都比雨水打落左,唔知聽日行到落去會點呢?遊完車河,我地就返酒店啦~
  

今晚係酒店度食左晚餐,大家就休息休息,準備第二朝一早去行山啦~

 

名稱:奥入瀬渓流ホテル
址:〒034-0398 青森県十和田市奥瀬字栃久保 231
In/Out:3:00pm / 12:00nn
電:0176-74-1111