December 2017
S M T W T F S
« Nov    
 12
3456789
10111213141516
17181920212223
24252627282930
31  

IT 玩具篇 02

除左 iRobot 之外,另一樣係新屋o既玩具就係 IP Phones 同埋 IP Cams 啦~

由於間屋係有 2 層,所以我一開始就諗住買子母機黎做家居電話,雖然我地屋企個電話,真係一年都唔知有冇用 10 次,不過,靚o既子母機一向係我鍾意o既家居用品之一~當然要襯呢個機會買返部 1 拖 2 o既機啦~哈~

點知,老公就麻麻地想要子母機,就話不如整幾部 IP Phones 係屋企,仲可以當 intercom 同埋收 voice message,咁試過 d functions 之後(係屋企做完 POC 之後),就決定新屋用佢地啦~

除左下面呢款之外,我地另外會用一款 Size 細部少少o既,幾部電話會放係:客廳、廚房、主人房、書房同客房~

另外,由於老公住開市區樓,佢成日都覺得住屋仔好唔安全,所以決定買呢度之後,就諗點樣令間屋可以安全 d ,反而我就冇咩所謂,不過,如果要拉線呀、駁電呀,咁緊係裝修果時攪埋,好過之後要先黎攪啦~

睇左幾個唔同牌子o既 Cam 之後,就決定左用 Panasonic ,佢有分室內機同室外機,有掛牆,又有吊天花,功能都唔錯,(不過價錢就比較貴,仲要訂貨先有)咁就買左幾部唔同 models 放係屋企o既唔同地方啦~

IT 玩具篇 01

裝修已經去到埋尾呢個階段啦,既然冇咩特別野影,又係時間講下其他野~

今次想講o既係我地新屋o既玩具,雖然叫我叫佢地做「玩具」,其實都係 d 好實用o既野黎o既~

話說我地一向都有請開鐘點幫我地清潔,但係一星期只係打掃一次,都唔係好乾淨,尤其係我地仲有兩隻喵,所以今次搬屋,決定多 d 打掃(吸多幾次塵、抺多幾次地),但係對我黎講,吸塵係好簡單o既事,不過我就最唔鍾意抺地,咁可以點呢?!

解決o既辦法就係佢啦~ iRobot® Scooba 380 (Floor Washing Robot)

之後,可以 set 左 program,用佢黎每日/隔日抺地,咁我地屋企就會好乾淨啦~

揀左一個,就睇埋其他 product 啦,於是就揀埋呢個,新出o既 iRobot Roomba® 562 Pet Series (Vacuum Cleaning Robot),咁就可以一日吸塵,一日同抺地啦,d 喵毛就唔會周圍飛囉~不過,要每日將兩部機個位置交換,要拎上拎落囉~

仲有呢個 iRobot® Dirt Dog (Shop Sweeping Robot),用佢黎清潔戶外花園。

7 月尾訂左之後,呢個星期已經到左香港啦,可以收貨~

不過,唔知到時我 2 隻喵見到之後,會點呢?!會唔會追住佢地呢?~ 

時鐘篇

一向以黎,我地屋企都係冇時鐘o既,而鐘又唔可以係人地送~之前我地就只係放左個小鬧鐘係廳個 woofer 上面,不過,自從佢壞左之後(都已經唔知壞左幾耐 ),我地就冇理過佢啦~

但係今次,我就話一定要係個廳度放個掛牆鐘,係文化石果幅牆度,但係又唔想要好普通果 d 圓形時鐘,咁就周圍睇啦~不過都係睇唔o岩,唔係太老土,就係太型,總之就同我地個 design 好唔夾~

後尾,老公訂信箱果時,比左 d 日本訂裝飾品o既 web site 我睇,咁我就終於係人地d web 度睇o岩左幾款啦!價錢就唔係太貴,淨係個鐘大約幾百蚊港紙,當然要再另加郵費啦,咁就諗住差唔多入伙先訂~

之後,我本住「我地祖國係世界o既工廠」呢個信念,就走左上淘寶度摷下~最後,真係比我搵到喎!咁就買左啦~

送到黎之後,發覺果幾支黑色時針比較難睇到,尤其係指住黑色字果時。咁我地就諗,不如將幾支針噴左做金色,應該會比較顯眼,最後得出呢個樣啦,而我地都好滿意~(鐘面仲有 d 發泡膠粒未抺走)

潔具篇 04 - 水龍頭

標題又「繼續」係水龍頭~仍然係冇打錯o既~

(老公註:今次係水龍頭 Revolution ,上一次係水龍頭 Reloaded 喎~

話說依家間屋已經開始埋尾,今朝同師傅傾晒全屋未整o既野,而一樓個主廁就到今時今日都仲未開始攪,咁我地就係度研究果個訂錯左o既浴缸,繼而講佢個水龍頭(跟浴缸原裝),師傅就話,到時壞左要整都幾麻煩,都係用返香港野好 d,跟住係返屋企途中,又諗下呢樣,又諗下果樣,就諗到,不如整多套水龍頭係個廁所度,到時真係壞左,都仲可以沖涼,而我又仍然可以浸浴同用佢個按摩喎,咁就打比師傅問佢得唔得啦,當然我地係問佢要加幾錢啦,好快就大家 deal 左,咁我地又要買多一套浴缸水龍頭連花灑啦~

呢次老公緊係乜都唔諗,即時就話出旺角聯興行買返 Grohe 啦~

浴缸水龍頭一開始就諗住買返 Essence 系列o既龍頭(連出水位),揀左 #33642 ,折後約 $1,900 ~

跟住就買花灑啦,呢個o既價錢,折完就由約 $700 至到 $20,000 都有!本來諗住買普通款,約千幾果 d ,但係依家興 Rain Shower ,咁又睇左 3 款,跟住同老公傾佢想要邊隻,佢又話由我話事,咁我當然係買 d 好玩又新奇o家啦~哈哈哈哈~

另外,老公話為左唔好辜負師傅幫我地搬左個熱水爐去另一邊,就決定比我買 Rain Shower 啦~比較過 Show 出黎果幾款之後,就揀左 Rain Shower System 入面o既 #27058,折完約 $8,500~呢款除左個 Rain Shower 頭之外,仲有個花灑仔,雖然係貴 d ,唯有同自己話,買左 2 個龍頭啦~呵~

兩樣加埋,淨係買水龍頭咁又成萬蚊啦,仲要加埋師傅改喉o既裝修費~

潔具篇 03 – 座廁

話說係買樓冇耐後我地已經成日出旺角睇各樣潔具,其中一樣較重要o既係兩個廁所o既座廁。

經網上同街舖多番研究同親身感覺之後,發現原來座廁都有好多牌子,另外仲有分「一體式」、「分體式」等等,最終得出兩個目標牌子:Toto 同 Roca,而我地諗住揀比較傳統o既分體式。

另外,亦睇過電子廁板,係日本好 common o既,不過淨廁板都起碼要 $9000 左右,Toto 、panasonic 等都有出。今次係 budget 有限o既情況下,唯有唔整啦~

Toto

我地比較想買呢個牌子,因為較出名,覺得會穩陣 d ,應該冇咁易壞。但係出名o既代價就緊係貴 d 啦,係灣仔同旺角一帶,入門級數大約要 $4000 / set(連廁板)。

而比較多人買 #945 呢個 model。

Roca

另一個係旺角見到o既大牌子,都有好多款式,個樣亦都唔錯,入門價大約 $2000 / set (連廁板)。

睇左幾次之後,鎖定左 Roca 其中一個 model ,套裝價約 $2500 連樹脂油壓廁板,親身坐過都幾舒服,本來已經諗住出去落單啦,點知早幾日,係網上見到有人話係旺角買 Toto #945 都係約二千幾,咁係呢個情況之下,緊係買 Toto 唔買 Roca 啦。同埋,Roca 都有 d 唔好o既評價,好似買 Toto 穩陣 d 。

最後,皇天不負有心人,終於係旺角見到其他網友講o既舖頭,除左 #945 之外,仲有好幾款,都係約二千幾。咁我地最後就揀左同 #945 一樣 Function,只不過係外形唔同o既 #940,價錢係 $2150 (自由咀,連樹脂油壓廁板同送彈弓尾喉)。而 #945 就係 $2250,所以仲平 $100 呢!

舖名:藝彩家居

地址:上海街 673 號地下

電話:2396-9088

#945 有特別防污功能-CeFiONtect,當日係舖頭度,個職員同我講 #940 功能同 #945 一樣,但係後尾我上網睇,好似得 #945 有(詳情請參考呢度),不過我覺得呢個款又真係靚 d ,所以最終都係揀左呢個~

深圳採購篇 02

上次講完「寶安北路」,今次要講o既係「田貝四路」。

交通

巴士:

羅湖過關後,經深圳地鐵站出返路面,靠右手面行去火車站果邊。

之後,係下圖標示「火車站」o既位置搭「1路」公車,。  車費2蚊。 火車站果度係露天既,有 d 黃色格格既【有蓋巴士站】。

「1路」公車o既路線:火车站-京湖酒店-国贸大厦-东门-东门中-儿童公园-洪湖沃尔玛-田贝村-田贝四路-翠北小学-卷烟厂-百仕达花园-太安路口-布心花园-东湖客运站(共15站)係「田貝四路站」落車,正正停係「家合居」門口。

落車果時記得認住自己係邊度落,回程係對面搭返「1路」公車,搭到返「火車站」落車。  車費一樓係2蚊 。(如果冇記錯,應該係中國銀行門口。 )

的士:

上左車同個司機講:就叫佢「田貝四路家合居門口」落。由羅湖、皇崗/落馬洲兩個口岸打的,都係人仔30蚊左右。如果由「寶安北路」打的過黎,人仔16蚊左右。

店舖/商場

「四貝四路」是深圳一條好齊全的建材市場大道,比較出名的建材市場係「家合居」、「五方家居」等。

「家合居」這個建材市場面積也很大,由一座「家合居總店」和對面馬路單層式的「家合居 A 區」組成。「總店」的 1/F 和 2/F 是賣磚的商舖。

由於我冇去過呢邊,所以實質係點就冇咁清楚~