今年既結婚周年記念及生日飯揀左去 Sheraton 既雲海，坐左係鐵板燒枱～

師傅話叫一個餐再散叫其他野就夠啦，所以我地就叫左最貴果個 Set Course，因為有和牛、龍蝦同鵝肝既～嘻嘻～另外再叫左個 10 件既壽司 Set，侍應小姐話夠啦喎～咁就淨係叫左呢 2 個餐啦～

先黎套餐既前菜，麻麻地啦　ＸＤ

跟住黎左個壽司併盤～有 10 款再加 1 個 tunna roll，不過不失的～

沙律，刺身～沙律比晒黃生食，應該都好新鮮，因為佢食到 chap chap 聲～

之後就有帶子，呢個好好味！

跟住師傅幫我地燒龍蝦啦～雖然係一個餐，但係有全隻龍蝦的～蝦頭就當然係拎去煲湯啦～

食得！一人大約有 3 件！爽口，正！

之後到我好 like 既法包鵝肝！掛住食龍蝦，唔記得睇佢點燒！

我有大件的～呵呵～

和牛有得揀，要 steak 定薄燒，我地揀左扒，切粒粒 juicy d 喎～師傅燒得岩岩好，入口即溶，正！

主菜食完，已經好飽，黎個炒雜菜，不過好多蔥同椒呀！！我只係夾左芽菜同椰菜食～

係已經飽到九成既情況下，再黎大大碗既炒飯！我覺得唔夠味，加左壽司豉油，但係黃生話夠味喎，食完超飽～

等左好耐，個龍蝦湯終於到左，好鮮甜～

最後，甜品可以揀生果或雪糕，而雪糕有芝麻或紅豆，黃生揀左紅豆，我冇食～我留返個肚食蛋糕！

雖然個樣普通 d，但係個海綿蛋糕超軟！好好味～

個蛋糕有成磅，我地緊係食唔晒啦，淨返既拎返屋企食～哈～嗯，唔知下年去邊度食好呢？！

而今餐，用左 AE Card 既生日 coupon，所以食物有 8 折，同埋送蛋糕一個～

蛋糕全貌－

　

呢幾日落雨，所以雖然今日冇帶飯，但係都唔係好想出街食 lunch 喎，咁就問左同事一唔一齊叫飯啦～我地今次試靚湯工房，有飯、有湯、有菜，我公司仲有隻蘋果添，實在係食得好健康～係朝早 10:15am 前要落訂（網上訂），之後就會係你預定既時間送黎啦～

我地 2 個人，叫左一個套餐（湯＋飯），另外齋叫左一個飯，同埋一份菜，總共： HK$79。

個湯放左係保暖樽度（會收返），而飯同菜就係膠盒。

2 個飯同個湯味道都唔錯，不過對男仔黎講，個蒸飯既 size 就可能細左少少，但係個三色蛋飯就都幾大盒，加埋個菜、湯同生果，真係食到超飽呢～

今日係大年初一，亦係情人節，之前諗左好耐究竟出街食好，定係屋企食好～跟住又要諗食中餐好定食西餐好～

終於係年三十晚決定左出街食中餐，今次都係揀返一向食開o既地方～

就係米老鼠內面o既晶荷軒啦～

同平時一樣，我地唔開茶，叫 cocktail～

是晚晚餐如下：

蟹黃竹笙海鮮羮－好味！d 蟹肉係可以夾起o既～

燒味併盤－同平時水準一樣，好味，乳豬皮超脆～雞脾係去左骨o既～

鮑片露筍－正，露筍好味！

晶荷軒炒飯－內有鮑粒、蟹肉、蛋黃等等，味道相比其他野，較一般啦～

帶子蒸豆腐－豆腐超滑，好似我平時買果 d 日本豆腐咁，而帶子都好爽口～

食完以上o既餸，其實都已經超飽～不過佢有 promotion，食甜品會有限量版米奇碟一小隻，所以最後就叫左：

桂花紅豆糕－紅豆係隔左殼的～好味～

（註：由於是晚只以小相機，所以 d 相有少少 outfocus 呢～ >.< ）

Continue reading 虎年年初一暨情人節晚飯