Day 6: 4/9 (Tue) 陰

台中  台北

早／午餐：台中－Mos Burger
晚餐：市林－夜市

住：台北－天成大飯店
訂房方法：經 萬褔旅行社 網上預訂

今日我地揀相啦，本來諗住起身食左黎客果早餐之後返房攤一陣就執野 check-out，跟住就去瑪莎睇相，因為我地影 左 3 日，所以 Kelly 已經係我地預約果時經幫我地改左 12noon 就可以揀相，平時要 1:00pm 呢。但係 Gary 今朝 唔係好舒服，可能之前一日係海邊吹風啦，佢覺得有 d 發燒咁，於是我起身沖左傷風葯比佢飲，就諗住唔食早餐啦， 再訓多陣，最後我地一直訓到 11am 先起身，係酒店 check-out 之後就直接去左瑪莎啦。

去到瑪莎差唔多 11 點半，一入門口 Sunny 就同我地話佢已經睇過我地 d 相啦，總共有成三百幾張，仲影得好靚，有排睇咁 話，跟住佢問我地食左野未，我地就話未，咁佢話叫我地食完先返黎慢慢揀，所以我地就係瑪莎放低 d 行李， 過左去隔離o既 Mos Burger 度食野，而 Gary 食左 d 葯同埋訓多陣之後真係好左好多，食飽之後大約 12 點就 返去瑪莎揀相 lu。

我地上左 2 樓揀左個位，跟住有個職員（唔記得邊個）上黎教我地點用果個揀相o既 system，拎左 d 水比我地之後， 就由得我地自己慢慢睇啦。而因為我地係有 2 張預約單（婚紗同寫真），所以我地 d 相係分開左o既，由 Roger 影 o既婚紗相有 207 張，而由 Jason 負責o既寫真就有 99 張。而我本來o既預訂單係：婚紗相本身有 46 張，外加 左 20 張落一本新 12 吋複合式相簿入面，另外再加左 10 張 15 吋，即係有 76 張；至於寫真就冇加，有 20 張，總 共係 96 張。

我地先睇婚紗相先，好彩尋晚係黎客整左個表同 print 左出黎，我地揀相o既方法係咁，第 1 round 睇相，係個 form 度 mark 底 file 名，如果係單人就再 mark F/M，如果呢張張係一定要或者唔要o既，就即時 mark 住或者 delete 左佢， 唔要o既相包括有：過份曝光、背景有人、面部表情唔好、影得好肥、d 光線／構圖／顏色唔鍾意等等。係 第 1 round 之後，就揀左 33 張一定要o既出黎，反且 deleted 左就有約 70 張，呢個時間就剩返 100 張左右係覺得 ok o既。其實 d 相係好靚，不過可能呢排睇得太多其他姐妹o既相，同埋我地又有玩開相機，所以要求都比較高， 所以有 d 可能其他人會揀o既我地都冇揀到～

之後，我地就將果 33 張再睇一次，check 左每套衫o既分佈，發現最多果件有 7 張，而最少果件只係得 1 張，於是我地就 重睇揀得少果 d，令到每件衫 average 有 6-7 張左右，咁呢一 round 之後就大約有 45 張相係要o家啦。

呢個時候，Gary 就問我係咪呢度一定要揀 76 張，咁我話其實都唔係，最少其實係要 46 張o者，揀唔到可以唔要，或者加係 寫真果邊都得，咁佢就話不如望寫真果 d 影成點，我話寫真最少要揀 20 張囉。咁我地好快咁睇左 1 次寫真果 d ， 佢就反且鍾意呢一輯多 d 喎，覺得係呢邊揀 20-30 張都應該冇問題，反咁我地就決定婚紗果邊揀少 d ，係呢度 加返多 d 啦。

跟住，到第 3 round，我地就重頭睇返婚紗果 ok 果 d，將同場景、差唔多 pose o既相用 2 揀 1 或者 3 揀 1 o既方法咁 再揀出黎，最後揀左約 60 張啦。然後，我地再用同樣o既方法去睇返寫真果 d ，好快咁又揀左 27 張。之後，就再 揀左幾張大頭相同 Gary o既單人相，到到 4 點半左右就揀完，總共揀左 65 張婚紗同 27 張寫真，同我地之後預訂 o既數量差唔多呢！最後我同 Gary 話要揀邊張做大相啦，同埋要 mark 返每一張要 d 咩野地方要修相，所以又再由 頭睇多次，攪到差唔多 5pm 我就 Sunny 話攪掂啦。

跟住冇耐就有個職員上黎（唔記得邊個呢），我同話 12 吋果本相簿唔要啦，因為係婚紗相度我地只係揀左 65 張，我想將果 9 張放係 18 吋果度，反且寫真果度我地要加相呢。咁佢就話冇問題，不過 d 相要雙數喎！唔可以單數 ，咁我地又每邊揀多 1 張，之後佢就話啦，我地寫真果邊不如揀夠加 10 張，因為 10 張先有 8 折（NT$640 x 10 x 0.8），如果係 8 張（NT$640 x 8），同 10 張o既價錢其實係一樣。咁我話，冇理由喎，我地係婚紗果邊都加左 20 張啦，冇理由呢邊冇 8 折，點知 Gary 話，好呀，揀多 2 張好！所以最尾就變左 66 張 + 30 張啦。其實加係 18 吋果邊 果 10 張就貴囉，因為過左 20 張後，頭 10 張先係 NT$950，之後果 d 要 NT$1,060，所以有 6 張係要用 1,060 去計 呢！

再計好數之後，Jason 就黎左同我地傾邊張做大張、書卡、e 化卡、謝卡等等，同埋要點修片，因為之前我同 Gary 已經全部 mark 好左，所以都好快傾完，跟住就落左樓下揀相簿、大相相框同埋比錢，最後就有 8 千幾蚊要簽咭，不過好彩唔駛 比 charge o者。

攪掂晒所有野後已經 6 點幾 lu，瑪莎幫我地 call 車去車站，我地就搭車落台北啦，統聯原來平日有半價，只係 NT$150 1 個人，架車係 6:45pm 就開車啦，去到台北差唔多 9pm，係天成 check-in 完我地就搭捷運去市林，係果邊行左 差唔多 2 個鐘，食左好多立雜野就返去酒店 lu。

Day 3: 04/06 (Fri) 雨

黎客  瑪莎 Lili  新社（童話城堡）  教堂  瑪莎 Lili  黎客

早餐：黎客
午餐：－
晚餐：瑪莎豬扒飯

住：台中－黎客商旅
訂房方法：婚紗相 package 包

今日我地個 package 係去童話城堡果度影相，今朝要 10:00am 去到瑪莎化妝，但係食完早餐，等左成 10 分鐘 先有車，所以去到果時已經係 10:20am 啦，到左門市，阿 sunny 就介紹左阿偉比我地識，咁阿偉就帶左我地去後巷， 咁我由小凡（我估佢係小凡，因為係枱面見到佢 d 咭片）幫我先化妝，咁 Gary 就係出面等，等左陣就同阿偉就去 2 樓 揀衫啦。

因為我之前好懶，係化妝方面就冇特別做功課，所以都由得小凡幫我諗，不過佢每件衫都會問一問我，想 點整，今朝 Roger 就編排左著婚紗先，咁我就想帶皇冠同埋將 d 頭髮盤起，咁小凡問我有冇搽左 base 先黎， 我話冇，不過我有拎安瓶，點知．．．佢話我果隻安瓶比較油，應該係早少少搽，同埋用黎做護理好 d ，依 家唔係好o岩用，所以就冇用啦，咁就搽左佢 provide o既 base 。成個妝同 Set 頭大約用左一個幾鐘，攪到成 12 點， 呢個時候 Gary 亦都換好衫，今日第 1 套佢揀左白色西裝，襯返我套婚紗咁話喎～之後，小凡都幫佢化左個簡單o既妝， 同埋 Set 頭，跟住本來諗住可以出發，不過 Roger 黎到睇左我個頭之後，就同小凡話要 Set 高少少，咁小凡就成個 左，再 Set 過，攪到 12 點幾先出發～

本來諗住買花，不過 Roger 話城堡果度都有花，唔駛買，咁就直接去新社啦，由瑪莎去差唔多要 1 個鐘車程，去到附近， 已經發現周圍超多人，去到門口入場仲塞車添，好彩我地唔駛同其他人一齊等位泊車，不過．．．真係超級多人呀！Roger 仲 話未見過咁多人添呀！

停好車之後，阿偉就同我地解釋一次果 d 「下巴低、下巴推」係點做，跟住就開始影啦，Roger 先叫我地爬 上一個小斜坡，嘩，著住套大拖尾o既婚紗真係好難行，呢個時候仲要有小小雨添，真係好危險！當然阿偉同 Roger 都要爬上黎影同 打燈啦，大家都好辛苦～一路影 d 遊人仲專登停係度望，Roger 就問我會唔會好難堪，我話已經括出去，唔理咁多啦～

咁係一輪「下巴低、下巴推、頭側左／側右、千千萬萬不要動」等等之後，就開始由小雨變成落大雨啦！咁因為怕我個妝會 溶，所以我地亦走左去避雨，而係避雨o既時候，又影左 d 相，最後出黎o既效果亦都唔錯～好彩o者～

係城堡有間頗大o既更衣室，件婚紗影到黑黑地o既時候，Roger 就叫我換黃色o既晚裝出黎，另外因為我今朝同佢講想去 教堂，所以佢話留返大紅色果件去教堂影，當然我都冇乜反對，完全想信佢專業o既眼光啦～因為 d 雨不停咁落，而且人又多， 所以係城堡果度留左好耐，要把握住細雨o既時候沖出去影，講真，都幾凍下．．而且又冇野食，攪到成 4 點幾 5 點先係 果度走，Gary 仲好奇怪咁細細聲問我，點解今日我冇嘈生晒咁話好肚餓，我話好彩換衫果時有熱朱古力奶飲，同埋人地都 冇話餓，唔通我話好肚餓咩～

之後，我地就到左一間教堂，由城堡過去，車程都幾遠下，大約要半個鐘，不過，間教堂同我想像o既教堂有 d 唔同，而 且又唔入得去，果時真係有少少失望，不過都 ok 啦～人地山長水遠咁專登帶我地黎到，所以我都好比心機去被佢地影～hehe

影左好多個景之後，我地就返瑪莎啦，Roger 話今日會影埋室內o既廠景，會換黑色果套晚裝。我心諗．．成 7 點啦喎，仲要轉妝 影．．咁會攪到幾點呢？！仲有．．我成日未食過野呀～好肚餓．．．返到瑪莎，已經見到有其他人影緊，跟住我就去換衫同換妝啦， 而 Roger 就去左同第 2 日影o既人溝通，換完衫之後，佢地拎左 2 個豬扖便當比我同 Gary 食，仲有例湯添，嗯．．真係好好味～ （註：我見有其他影相o既都係呢個時候先食飯！）

食飽飯冇耐，Roger 就返黎啦，我呢個時候就心諗，唔通佢成日都唔駛食o既？唔怪之得咁瘦啦！之後我地就繼續影相啦（我地係 最後 1 pair ，影到成 9 點幾終於影完，係瑪莎簡單咁落左妝之後，佢地 d 職員就幫我地 call 車返酒店 lu 。返到酒店，要落妝啦， 洗頭等等，同埋因為第 2 日我地會去水舞谷關影（包係果度酒店一晚），所以我就要收拾輕便o既行李，執緊野o既時候，Gary 已 經訓左啦，而我就做左個水份 mask 先訓～

小心得：

• 最好諗好個妝同埋頭大致點整，最好有 d 分別較大o既款色，如果唔係，我覺得自己有幾個妝睇落去得差唔多 咁．．．
• 如果係冬天，或者係落雨之時影相，男方最好一準備多件外套比女方，因為都幾凍o家！

Day 2: 04/05 (Thu) 陰

黎客  台中市  瑪莎 Lili  逢甲夜市  黎客

早／午餐：三越內的日本料理－襌
晚餐：瑪莎 Lili 附近的水鼎三國

住：台中－黎客商旅
訂房方法：婚紗相 package 包

因為尋晚成 2 點幾 3 點先訓，今朝就起唔到身食黎客附送o既早餐，成 11 點先起身出門口，諗住 周圍行下，跟住就去瑪莎（雖然應該 5:00pm 先去）。

我地行左去逢甲果頭，不過差唔多 98% o既舖頭都冇開，本來諗住食野啦，但係得間麥當當係營業中，咁 我當然就唔係好想食啦，所以就繼續周圍行，點知都唔知行左去邊，附近亦都冇乜野好睇！之後唯有入去 7 仔買左張台中地圖，點知係好 Rough 果 d，買左都等於冇買．．．

行下行下，就行到去三越（註：真係好鬼遠o家！），呢個時候都成 2 點幾啦，咁就上去左，搵左間 日本料理食 lunch，但係唔平之餘又唔係特別好食，我諗係台灣都係食返 d 地道野會好 d 啦。

食飽行左陣我就話不如早 d 去瑪莎啦，咁 Gary 話乜唔係約左 5 點咩，依家先 3 點咋喎，咁我話早少少應該 冇問題o既，過左去先算囉，咁我地就係三越門口打的啦，NT$150 左右，好快就到，如果冇記錯，大約 15 分鐘左 右啦。

去到瑪莎門口，門市人員已經好好笑容咁出黎接我地，咁我就講左我個名，佢地已經即時記得我 book 左邊 個 package 啦，可能因為我有 3 個 packages，比較特別o卦。跟住阿 sam 就同我傾 packages 同埋比唔同相 簿我睇，亦都冇叫我加 d 乜加 d 乜，只係講左普通相簿同複合本o既唔同，仲有 packages 入面所有會包 o既野都拎左一份 sample 我睇，之後我就同佢講我想改野，咁都同佢傾好，跟住又計過 d 價錢比我，大約半個 鐘快攪掂啦。（註：呢個時候已經超支啦～～）

跟住，我又八八卦卦咁問下 upgrade 相簿o既事，係網上睇過其他網友o既相簿，有 d 真係好靚，咁我就問阿 sam 拎黎睇下同埋各個價錢啦，好似大亦四方啦、莎薇雙城、大奧晶等等，之後仲睇左個新 design o既相簿， 前面可以 view files 果款，不過阿 sam 就話呢個唔 suggest 香港人做喎。大亦四方同大奧晶真係好靚， 不過價錢亦都唔平，如果用 18 吋 package 入面果 2 本相簿（18 吋＋ 12 吋娘家本）黎換，最少都要加 NT$15,000，不過因為已經係複合本，就可以減返我原本加左o既 NT$3,000，我掙扎左好耐，最後都係冇要到．．．

好啦，當 packages 入面 d items 完全 confirmed 左之後，就會去揀衫啦，我 total 有 10 套衫，阿 sam 就 問我有冇 print 鐘意o既衫出黎，我就拎左部 pda 出黎，show 比佢同小月睇，好快咁睇晒之後，小月就帶左我 上 2 樓啦。

我決定揀 4 件婚紗，6 件晚裝，我地先揀晚裝，小月同我講佢去拎我 saved 低左o既衫拎出黎，叫我可以自己 再睇下，咁佢又另外幫我再揀左 d ，6 件晚裝入面有 4 隻色我自己就想o既，分別係：紅色、粉紅、紫色、黑色， 咁我又想要 1 件旗袍款（好多人著過黑色果件），試左大約廿件之後，我就揀左紅、粉紅、紫、黑、黃、藍（旗袍）。 本來揀唔到旗袍，因為黑色果件比人揀左出去，得返件白色，跟住小月好好咁將所有紅／紫／黃／黑之外o既色o既旗 袍拎晒出黎比我試，最後就揀埋藍色啦。（小插曲：有件粉紅色o既晚裝我睇相好鍾意，又好靚，點知著上身，真係唔係 好得，所以 d 衫都係要試左上身先知咩野樣呢～）

攪掂之後我地就上 3 樓揀婚紗，而呢個時候開始有其他客人黎，我地到果時淨係得我地 1 pairs 人咋，可以揀多 d 衫呢！～

婚紗就諗住揀 2 件拖尾，1 件 A-line 同埋一件短婚紗，點知短婚紗真係好短，試完之後覺得唔係好o岩我喎，所以最 後揀左 3 件拖尾，1 件 A-line，晚裝同婚紗 2 樣對我黎講，婚紗真係難揀好多，因為試左幾件都好靚呀，件件都想 要，不過我知道婚紗好多時影出黎都好難去分辨，所以我都盡量揀 d 睇落去分別大少少o既婚紗。

揀好晒之後，小月就幫我度身，呢個時候已經 6 點幾 7 點，不過 Roger 當然係未返黎啦，所以我地就去左食飯前， 阿 sam 叫我地大約 8 點半先黎就得啦。我地行到好遠o既水鼎三國果度食飯，可以好舒服咁坐，又有雜誌睇，仲可以 上網添～

差唔多 9 點返到瑪莎，Roger 同 Jason 就同我地溝通啦，因為 Jason 會負責我地送果個水舞谷關寫真o既，咁 Roger 就問我地有冇做功課，我話冇呀，而係之前 sent 比佢地o既溝通單上面，我地都冇寫特別野，只係 mark 左果 d %，所以 Roger 就好攪笑咁問：乜你地冇野同我講咩～真係好鬼好笑！

之後，我地睇左 d 唔同風格o既相，話左佢地知我地想要 d 咩野 style ，同埋特別 Request 左話想去影教堂同夕陽， 仲有要買花，就已經差唔多成個鐘啦，跟住落到地下，小月話 d 衫已經改好啦，咁就係樓下試下，10 件入面有 2 件要 再改，其他都冇問題，Gary 仲話佢地工作效率超高添！

我地跟住就去左逢甲，夜晚同朝早o既分別真係超大，因為第 2 日要影相，所以行左一半我地就返左黎客，不過，都 忍唔住買左 2 大盒鹽酥菇食呢～

小心得：

• 最好係之前揀定鍾意o既衫，如果唔係會浪費好多時間逐件逐件去睇。揀左o既衫 samples，如果有 PSP/PDA，就 save 係入面， 佢地會易睇 d 呢，或者放係 USB 手指都得。
• 最好自己諗定有咩野色想要、晚裝同婚紗點分法（即幾多件晚裝、幾多件婚紗）咁樣～
• 唔好怕麻煩，每隻色都試多幾件，禮服小姐好樂意幫你o家～
• 如果係諗住著 gridle / nu bra o既話，度身o既時候就要著住佢地度，如果唔係，可能會過鬆或者過緊。

Day 1: 04/04 (Wed) 陰

香港  台北桃園機場  台中－黎客商旅

晚餐：Starbucks 三文治及飛機餐

住：台中－黎客商旅
訂房方法：婚紗相 package 包

Plan 左好耐o既婚紗攝影之旅今日就出發啦，今次用左清明節加復活節o既假期，總共有 5 日o既公眾假期， 再請多一日假就足夠啦，本來諗住聽日先飛，但係因為機場用 mileages 換，換果時 4 月 5 朝早出發o既機已經冇 晒，所以就變左今日放工之後出發，9:10pm 機，都 ok 啦～

6 點我就係公司走啦，搭 A41，去到巴士站咁o岩有車，所以未夠 7 點就去到機場，Gary 都仲未到呢～我地 7:00pm 就去左 counter check-in，阿 counter 姐姐見我地係 marco polo club 會員，就問我地如果早一班機有位，搭唔搭 早一班喎，咁我問即係幾點，佢話 7:55pm，仲有 2 個位，咁我地緊係話好啦，但係佢話要等一陣，因為呢班機 7:15pm 先 close gate，到時就知啦，咁我地就決定去 K 段果邊拎左入台証先，轉頭返黎 check。 （網上申請入台証）

由機場頭行到機場尾，到左 K 段拎入台証個 counter ，點知超多人喎，咁冇法啦，排下隊囉，等左陣，覺得唔係好對 路，佢個 display 話下一個申請要等 45 分鐘先有証拎．．．我心諗．．．唔係呀嘛？！於是就走上前問下，點知真係要 咁耐，佢話起碼要 1 個鐘喎！咁佢建議我地去到拎落地簽証，我同 Gary 傾完就覺得與其都係等，去 counter 睇下有冇得 上機先，如果有位，就去到台北先拎落地簽証啦。

返到 counter，真係有位喎！咁我地好快咁拎左登機証就入閂啦，呢個時候已經差唔多 7:25pm，離起飛只係得返 30 分鐘， 咁我地又未食飯，Gary 話冇理由香港飛台北只係 1 個鐘頭多少少都有野食，咁去到閂口，咁o岩有間 starbucks 係果度， 就買左 2 份三文治上飛機食啦。點知，真係有飛機餐！不過，就唔係咁好食，所以我地都係主要食左份三文治囉～

1 個鐘頭零 16 分鐘好快就過左，落機之後，未到海關已經見到有得換錢，咁我又換左 HK$2,000，因為怕唔夠錢用呀～ 之後就去左做落地簽証，有大約 6-7 個人係我地前面啦，不過好快，大約 15 分鐘左右就攪掂，仲快過換錢添，（記得要拎 果份表去填，放左係做証隔離張枱度。）之後就好順利咁過左關啦。

出左海關，搵左陣客運係邊度（如果搭 CX，出左關向右手邊行就到），就去左統聯個 Counter，呢個時候已經 10:05pm 左右 lu，點知佢話下一班去台中o既車，要係 11:15am 先開出，即係成粒鐘之後？！好彩，我知除左統聯之外，飛狗都可 以去到，於是就去左問啦，阿姐姐就話差唔多開車啦，叫我地快 d 去添，咁我地好快買左飛就出左去車站度，點 知，原來被昆！！根本都未有車黎，最後我地等到 10:30pm 左右先開車，（都比等統聯快啦），去到台中朝馬站已 經係約 12:30am，我地係落左車就搭左的士去黎客，大約 NT$85，都幾近啦，去到之後 Settle down，我做完 mask 就訓左啦，Gary 仲話，如果我地搭返原來果班，咪要成 2am 先黎到？！我當然笑笑口唔理佢啦～

影婚紗相一向係所有新人（特別係新娘啦）除左係酒席之外o既最重要o既事，其實係早幾年未決定幾時結婚 果陣係網上 browsing 已經發現左台中瑪莎 Lili 呢間婚紗攝影店，而且佢地o既相亦覺得好靚，所以我好早就諗住如果影婚紗相一定要去呢間啦～

係 05 年尾決定左係 07 年結婚之後，開始 plan 各樣野啦，好似酒席呀、租衫呀等等，但係去瑪莎影相呢個決定 一直都冇變過，問左 Gary 去台灣影相好唔好，佢又話冇所謂，仲話都估到我唔會係香港影添，所以之後 就係瑪莎個 web 度睇下 join 邊個 package 好啦，而佢係 06 年 2 月果時咁o岩有 promotion 喎，有送多 2 張相啦、多 50 張書卡啦等等，而且個 order 又可以改，所以好快咁就 join 左 lu。

之後，個預約都改左好多次，例如：拍攝地點、拍攝時間、相片張數等等，因為諗住 07 年 4 月尾影o既，但係後 尾發現月頭有長假，可以唔駛請咁多假去影，所以就改左。另外又係 forum 度睇左好多姐妹o既 post， 得左好多唔同o既意見，特別多謝樂晞同我 swap 時間，真係多得佢地o既意見，先可以好成功咁影左呢次o既相～

另外，有 d 姐妹問點解我會影 3 日咁多，係因為我 join 果時做緊 promotion，如果係網上預約總額係多過 NT$80,000， （唔計運費），咁就可以有 1 個 free o既寫真 package 送，而由於我本來已經訂左 1 個 15 吋同 18 吋o既 package，所以係加相後已經超過左呢個價錢啦，咁咪諗住影埋佢囉～

其實瑪莎個 package 係包酒店（酒店包早餐）同拍攝當日o既午餐，而我地今次搭o既 CX 又係用 mileage 去換， 所以除左影相之外，其他費用都唔係要好多，所以都叫做 within budget 啦。嗯，係啦，如果去台灣影相， 最好係香港換左錢先啦，可以去中環 o既百年找換店， 個價唔錯o家，我都係呢度換o既。