呢兩年都冇食大閘蟹，今年邊個有興趣食呀？～

如果食呢，就 11 月 13/14 啦～地點，就當然係我屋企啦～

差唔多成大半個月都冇 update 過，首先係隻豆丁做 desex 手術，跟住就收到我期待已久既 PC Game！係咩？！就係 Final Fantasy XIV 啦～佢同 FF11 一樣，都係 online 既，今次比起上一個 version 都改左算好多野，尤其係合成同升級打怪果方面。。。呢幾日都好努力咁玩緊！睇黎又可以玩起碼 5-6 年啦～

今次我地訂左 Collection Edition，由日本送黎～最主要係為左佢個 security token！咁就唔怕比人 hack account 啦～呵～

個盒好大，有成 1kg 咁上下重！

有本書，同埋個 token～

書入面就係 installation disc 啦，另外仲有個皮面既杯～

不過由於買左日文版既關係，個 credit card payment 用唔到（佢只比日本出既咭過數），所以我地今次要用 webmoney 比錢啦～嗯。。十月尾去日本果時買啦～

今日 lunch 行去左商務諗住買本蛋糕書，點知，一買就買左五本！其中一本係仙姐既「豈能戒甜」，呢個 weekends 應該會揀樣野黎整啦～

三重北陸追櫻行終於全部寫好晒啦～大家入去睇睇啦～

希望有時間就加返：

寫左一半，未完成既遊記：

• 2007/04 – 難忘的台中瑪莎 lili 婚紗攝影之行
• 2007/11 – 沖繩、京都、伊豆蜜月四圍走

完全未寫既遊記：

• 2007/04 – 日光遺產探秘之旅
• 2007/06 – 大阪勁買勁食之旅
• 2008/06 – 仲夏北海道與友飲飲食食賞花行
• 2009/02 – 衝出日本之英國倫敦遊
• 2009/12 – 台灣同學聖誕大集會

但係寫一個遊記，真係好費精神～真係要慢慢囉～

今日睇 Appledaily 既財經地產版，竟然發現呢個消息「星展 6.5億賠雷曼苦主　逾六成投資者獲百分百賠償」

內容大致係講：星展（香港）銀行同證監會、金管局達成左協議，會向經佢地行買左雷曼相關 Constellation 債券入面，大約六成多人（買果時係評左為較低風險既投資者），連本帶息作百分百賠償！銀行會發信比合資格既客戶，而佢地會有 60日時間考慮係咪接受呢個安排，如果接受呢，星展就要係 30日內將款項歸還客戶，不過呢個數目當然係扣起左之前既利息。

見到呢個消息，真係開心到彈起！點解？！因為我地都係苦主之一啦，而且我地個 Case 係金管果邊係仲未 Closed 既，但係又一直冇消息喎，本來都當左成筆錢係冇左啦，依家佢話有得賠，仲要係 100% 賠足添，我估我地都係果 60% 既人之一卦？！等星期六朝打去問下先，如果係，就真係好啦，就要等信啦～

希望其他銀行既雷曼苦主都係不久既將來可以拎返 d 錢就好啦～

話說 Gary 星期四要去黃金海岸度做苦力，咁搬左之後就唔係好知由元朗點過去，所以今日見得閒，就諗住渣一轉去探下路啦～

點知行左廿分鐘左右，去到屯門就覺得架車怪怪地，跟住唯有打死火燈，係屯門公路中線格硬渣埋一邊睇下，點知原來爆左軚！係右邊後尾軚！

我地停左車之後，咁岩後尾有個渣電單車既阿 Sir 經過，問我地做乜，咁我地話爆軚，行唔到～其實呢個時候，只係有兩個方法可行，一就係自己換左佢，二就係叫拖車黎。本來換軚我地係冇乜問題，不過我地停車個位置唔允許咁樣做，而且阿 Sir 都話果個位置太危險啦，所以我地都係決定叫拖車。

因為我地冇相熟拖車行，而一時之間我又搵唔到幫襯開果間元朗車行電話，咁阿 Sir 就比左個政府合約拖車行既電話我地，等左大約廿分鐘，架拖車終於黎到，之後，又因為其中一個係新人，頭頭尾尾攪左成粒鐘先行得！

之後，我地拖左架車去車行，順便叫佢做埋 check 車、打蠟，仲有要 check 下電池同換水撥，呢堆野本來係諗住六月 check 車果時做，不過既然爆左軚囉，就順手攪埋啦。另外，除左尾軚爆左，右前軚都好似有事，都係要等聽日 check 左車先知駛唔駛換，或者要攪其他野，所以呢個星期都冇車渣 lu ～