話咁快就過左一星期，係我每朝淋水之下，d 菜苗已經大左好多，有 d 仲已經有本葉添！不過生得好密，睇黎要攪攪佢～

小白菜超多～

生菜都唔弱！

見咁既情況，就將佢地移好苗，唔知聽日有冇事呢 >_<

另外，用育苗塊放左幾款花種子、櫻桃蘿蔔及貓草！

上星期整好 d 泥之後，比太陽晒左幾日，就係早兩日落左生菜同小白菜既種子啦～

不過由於係夜晚落種，比較黑，我就咁灑左 d 種子係泥面就算，點知今日已經有小苗出現啦～

左邊既小白菜

右邊係生菜

搬左屋之後，決定係露台度種菜，今次係 TB 度買左 d 可以自由組合既種菜盤，今日下晝終於將佢地砌好～

之前剩返一包黑泥，今日用埋黎攪泥！

之前係旺角買左幾舊椰磚，加水會膨漲，土質較梳水，我用黎做左底層～旺角賣 $24，不過後尾我發現係大既惠康有得賣，約 $13.8！

加水後樣貌～

鋪好底層，中間落左基肥～

之後再用椰土＋黑泥＋靚土，鋪埋面層！已經到晚上啦～

搬左入黎已經 over 半年啦，但係本來諗住用黎種瓜種菜既後花園，都仍然只係泥地一幅，因為所有種子都冇乜發芽，原來做農婦都唔係咁簡單o家！

而且花園 d 泥仲滋生左好多蚊滋仔，所以呢個星期就的起心肝，諗住襯呢個 long weekends 一定要攪攪佢～咁我地諗住簡單少少，種少少野，跟住就舖草皮，於是就上網摷下啦，點知搵到間專做花園／舖草皮既小公司，打電話去問下，價錢又唔係貴喎，咁就約左佢今日黎整啦～

首先將我地泥地面果 d 木板仔同埋多出黎既木柱仔拎走～

跟住係竹前後種左  d 矮植物。

係另一邊種左棵雞蛋花，放左幾塊大石頭做裝飾。

其他地方就舖草皮，舖之前加左有機肥料。

正式舖草皮。

全個過程用左大約兩個鐘，就攪掂晒啦～之後，我地要整返個淋水器、洗地、洗石春仔等等，終於就變左一個靚既花園仔啦，d 草大約 2 個星期就會生長，可以食住 d 泥，咁之後就唔會有太多蚊滋啦～

春播後第 5 日

係 5 月 2 日播好種之後，就好勤力咁照顧住我 d 植物～ 1 日就淋兩次水，通常係朝早返工前同埋夜晚臨訓前～

經過左幾日都冇變化，點知今晚去淋花，竟然有幾款種子已經出左芽！

花就有海棠：

向日葵：

生果蔬菜類就有菜豆：

小南瓜：

其他就未有變化～希望快 d 出芽啦～

話說入左伙咁耐，都未的起心肝攪個後花園，今晚心血來潮就想攪攪佢，於是睇左屋企 d 種子，望下邊 d o岩呢個時候播種，咁就揀左以下o既野啦～

花有五種：海棠、古代稀、牡丹、波斯菊、向日葵

生果、蔬菜就有六款：小南瓜、生菜、粟米、草莓、青瓜、菜豆

攪左成 2 個幾 3 個鐘，就攪掂晒啦～

唔知今次成唔成功呢？！期待期待！